小冤家

合

---

女:衰冤家！昨暝做無返來？
呾我知豈是愛將我甭？
這幾時，暝暝害我等待，
一定是暝暝叨位邊塊四散來！
男:美嬌妻，請妳切甭生氣！
因公司工作它做袂離。
年尾時，數簿就愛合圓，
暝暝天光還理未直妳可知地？
女:呾到你是個老實兄，
暝暝做工無去舞廳，
你做你呾，我無愛聽，
定是去迷着狐狸精！
男:美嬌妻，妳真正會生疑，
我做呢敢三心和二意？
俺夫妻，結婚已十外年，
我上老實朋友人人都知地。

女:衰冤家，張情書地珍個？
我昨日，在荷包搜出來！
男:美嬌妻，妳真正無記得，
情書是舊時妳寫給我甭生疑！
老闆:牛先生，舞廳叫來收錢。
三張單合共才三千二。
愛打折，或是愛還現錢？
請牛先生你快快呾來我知地！
女:原來冤家你是這生，
跳舞後交她去過暝！
男:我的嬌妻，請甭生氣，
我不過是逢場作戲！
女:衰冤家，騙我呾着做暝，
去舞廳，跳舞甲唔返家。
我定愛罰你這衰冤家，
罰你這冤家下回還豈敢這生！