《九斤姑娘…相骂》

折子戏 生旦反串专场

---

（参考歌词）

三叔婆：石二佬啊，石二佬啊，侬只老狗，侬搭我爬出来
石二：（唱）听得外面闹吵吵，为啥骂我石二佬
三叔婆：（唱）斩头活狲石二佬，倒路活狲石二佬，侬格三快佬，杀掉我只黄猫猫，侬
赔我猫猫倒摆了，若说勿赔黄猫猫，勿会放过石二佬
石 二： （唱）杀掉侬只黄猫猫，勿该骂我石二佬，条掉猫猫没啥大不了，我赔侬一只
头蚕猫
三叔婆：（唱）我只勿是头蚕猫
石 二： （唱）格么二蚕猫
三叔婆：（唱）也不是二蚕猫
石 二： （唱）单春猫
三叔婆：（唱）勿是单春猫
石 二： （唱）格么双春猫
三叔婆：（唱）也勿是双春猫
石 二： （唱）桂花猫
三叔婆：（唱）勿是桂花猫
石 二： （唱）难道会变金丝猫
三叔婆：（唱）侬猜得对猜得录，一点勿错金丝猫，我这只金丝猫，日里会得拖金条，
夜里会得衔元宝，徽州朝奉取过宝，铜钿还过三千吊，三千吊铜钿勿卖
掉，还是我只猫猫好，侬今朝勿赔我铜钿三千吊，啊哟哟哟，我卷卷铺
盖搭侬屋里来过老
石 二： 三快佬，侬搭我跑出来，跑出来，太娘娘，我要朝侬拜哉，侬好斩不斩，那，
奇怪刁这只猫猫斩斩死，现在伊要赔三千吊铜钿，侬去赔伊去，侬去赔伊去
三 快： 啊哟阿公啊，猫 猫不是我斩死，是张师傅斩死格啦
石 二： 侬讲格闲话是真格
三 快： 张师傅到伢屋里来箍桶，三叔婆只黄猫猫看伊只咸鲞鱼，拨张师傅嘞格一斧头
斩杀来，我是帮伊去掼掼掉格啦
石 二： 格侬跑进去，三叔婆格只猫猫倒真帮得我格忙
三叔婆：那，格老狗介爬进去不爬出来哉
石 二： 哎，三叔婆，来来来
三叔婆：来来来，赔我猫猫，不赔猫猫我不肯息格
石 二： 格好格，好格，要是能做我第三房媳妇啊，我拨侬十两银子
三叔婆：相骂么包了我格身上，十两银子
石 二： 格么加侬五两
三叔婆：这场相骂起码三十两
石 二： 三十两就三十两
三叔婆：拿来
石 二： 侬等一等
三叔婆：东头不着西头总要着，石二佬格心思伊大得过我发
石 二： 三叔婆，先拿十两
三叔婆：哪，侬、、、
石 二： 事成以后找数过期
三叔婆：一言为定，格好格
（唱）只要我扎拉扎拉二薄刀，保侬讨到九斤佬
石 二：（唱）我只要讨到九斤佬，三百亩田地可保牢，奇怪刁前头去相骂讨，我石二
佬后面去做和事佬
第九场
箍桶：啥人啦叽叽喳喳
三叔婆：（唱）斩头活狲张天宝，侬勿该斩死我只金丝猫，我只金丝猫，一日会变三身
毛，清早起来白毛毛，日里黄毛毛，夜里还会换黑毛毛，日里会得衔金
条，夜里会得拖元宝，徽州朝奉取过宝，铜钿不过三千吊，侬今朝勿赔
我铜钿三千吊，我要县里告，县官衙门常常跑，县官太太我相好，耳朵
轻轻咬一咬，咬得侬绿头火千郎郎叫，一根链条颈上套，拉到公堂*股
拷，一脚跌落坐监牢，坐得侬头上出青草，坐得侬*股都烂掉，拖牢
洞，杀千刀，有子铜钿侬也无人保
箍桶：（唱）我杀脱是只偷食猫，哪里会变得金丝猫，我手里做肚皮饱，寸工度日箍
桶佬，就是我屋里箍桶家生缸灶饭锅连我阿囡拼拼凑凑都卖掉，铜钿也
不值三千吊
三叔婆：（唱）侬今朝要是赔不出铜钿三千吊，我同侬到府台衙门去开交
箍桶： 小癞子，谢谢侬，侬拨我阿囡去叫得来
石二：三叔婆作啥，作啥
三叔婆： 石二店王，侬真不晓得啦，我只猫猫啦拨张箍桶嘞格一刀拿来斩死了
石二： 来了外头难看发，难看发，里头去讲，里头去讲，啊哟，张师傅啊，侬真是
手里不长眼睛，这只奇怪刁侬弄得伊过啊
箍桶： 是格
石二： 哎，张师傅，我是诚心诚意格，侬格阿囡拨我做第三房媳妇，三叔婆格搭铜
钿由我担待哦
箍桶： 阿囡格事体要问阿囡自家格呀
三叔婆： 哪哪哪，侬何等老糊涂，倒是办事糊涂七窍不通，象石二店王格种人家么是
拿镜子照也照不到，侬啦还不答应啦，各没办法啦，吃官司去
箍桶： 阿囡哎
九斤：三叔婆啊，侬拉呀阿爹到阿里去
三叔婆： 吃官司去
九斤：我阿爹犯啥法
三叔婆： 问侬阿爹自家
九斤： 阿爹作啥
箍桶： 阿囡，伊中人猫拨我掼掼死，拨伊晓得来，要我赔三千吊铜钿，我赔不出
啦，叫我吃官司去
九斤：格只奇怪刁倒厉害格，格石二店王来作啥
箍桶： 三千吊铜钿伊来赔，就是要侬拨伊拉去做第三房媳妇
九斤：（唱）奇怪刁上门竹杠敲，石二店王来做和事佬，伊提出条件有一条，就是要
讨我九斤佬，其中一定有蹊跷，这场相骂只好讨。
箍桶： 阿囡，侬弄伊拉不过
九斤：（唱）阿爹，伊是骂不过就会了，打勿过就会逃，你若怕伊反勿好，侬看我来
教训格只奇怪刁
石二： 九斤姑娘侬放心，我同三叔婆已经讲好哉，三叔婆侬回去，三千吊铜钿问我
来
三叔婆： 那好格
九斤： 慢！石二店王，那要谢谢侬格好意来
石二： 勿要客气，勿要客气
九斤： 格侬坐起讲话
石二： 好格好格，嘿、、、
九斤： 三叔婆，伢大家么前邻后舍日日要见面，格个大吵大闹象啥个样子呢，人家来了讲，真理么只有一 条，横理么有十七，八条，伢么有理讲理，三叔婆，侬坐下讲，坐下来讲。
三叔婆： 哦，倒底是九斤姑娘，讲起闲话来是有道有理格，啥人要是讨伊去做媳妇啦，真是前世修来格好福气
九斤：三叔婆，是不是我爹拿侬只猫猫拿来杀掉啦
三叔婆： 是呀，我是几年格心血啦养来格只宝宝猫，拨侬阿爹嘞 格一刀拿来斩死哉啦
九斤：三叔婆啊，猫猫么总要赔侬格，格侬借伢格东西也要弄弄清爽
三叔婆： 那，我借过侬啥东西呀
九斤： 哪，一日侬格女婿来做客，侬呒啥拨伊吃，拉屋里拿去一只黄毛鸭有不有？
三叔婆： 啊，有格有格，啊哟，一斤多点点重，侬看好呀，看不完啦
九斤：格还有只斗？
三叔婆： 还拨侬
九斤：还有一根秤来
三叔婆： 一根断杆秤呀，啊哟，伊准呀不准，星花也看不出，打个五十斤么一翘，一百斤么也一翘，掼塌来
九斤：格还有一把锅铲呢
三叔婆： 啊哟一把破锅铲呀，勿好用哉，一日换糖当啷啷，当啷走过来，我换糖拿来吃掉来。
九斤：格还有一根柄呢
三叔婆： 一根柄么烧火烧掉来呀
九斤：烧火烧掉来，三叔婆，别样东西倒不要紧格，这根柄我是一定要还格
三叔婆： 格还侬只新格好来
九斤：侬还我啥树格呢
三叔婆： 山树
九斤：勿是山树
三叔婆： 檀树
九斤：勿是檀树
三叔婆： 枣青树
九斤：勿是枣青树
三叔婆： 哪，这样不是那样不是，难道还变娑婆貂
九斤：（唱）才道才道真才道，一些不错是娑婆貂
三叔婆： 省哉，息哉，娑婆貂，侬阿里来格，阿里来格
九斤：（唱）我格祖父会起早，挑挑担子乡下跑，从日出走到月上梢，同月亮婆婆结相好，送来一根娑婆貂，东藏西藏藏不牢，上勒锅铲柄上刚刚好，一把 锅铲就成宝，锅铲拿来一记甩，一锅清水变锅饭，锅铲拿来一记戳，一锅萝卜会变肉，锅铲拿来一记丢，一碗清水变碗酒，锅铲拿来一记铲，铲出盘廿四样，鱼虾蟹酱，辣鸡辣鸭辣白鲞，糟鸡糟鸭糟肚肠，黄鳝泥鳅不算帐，田螺螺丝凑两样，萝卜芋艿苋菜梗，外加一碗霉千张，锅铲拿来炒一炒，一生一世吃不了
三叔婆：（唱）倒糟倒糟真倒糟，我猢狲骷骼自家套，就算侬根娑婆貂，也勿及我只金丝猫
九斤：（唱）我把锅铲世上少，徽州朝奉取过宝，铜钿还不过六千吊，六千吊铜钿我勿卖掉，赔侬一只金丝猫，铜钿除去三千吊，侬赔我根娑婆二抽貂，六
千吊铜钿勿好少，三千吊铜钿拿来找，万事全休倒罢了，侬三千吊铜钿勿来找，我搭侬到众家祠堂去跑一跑，前邻后舍叫来一大淘，请出家长太公张福高，我要侬来众人面前来跪倒，我再告发侬个女头脑，偷食猫硬说是金丝猫，赶上门来竹杠敲，说得大家心火冒，赶走侬只奇怪刁，侬只好日里沿街把饭讨，夜里住宿在破庙，东南西北四处飘，罚侬倒大路，侬格尸首无人料
三叔婆：（唱）勿得了来勿得了，我今朝碰着个大好佬，伊格口才比我好，格场相骂勿好讨。
小癞子：（唱）叫声三叔婆奇怪刁，侬只猫猫我知道，前村有个蒋老老，伊只黄猫猫，前年一窝生下两只猫，侬是连骗又带讨，捉来一只黄猫猫，哪里会变金
丝猫，哪里会变金丝猫。
九斤：（唱）叫声看牛小哥陆阿毛，侬搭我前邻后舍叫一叫
陆阿毛： 哎，大家快来呀，奇怪刁敲竹杠啦
三叔婆：（唱）叫声姑娘九斤佬，我只勿是金丝猫，侬也勿是娑婆貂，大家都来和和掉。
九斤：（唱）噢，侬只勿是金丝猫，我根是真正格娑婆二抽貂，侬眼睛勿要连夹夹，侬还我一只黄毛鸭子，侬遍身勿要连抖抖，还我一只宽口斗，双脚勿要
连蹬蹬，侬还一根断杆秤，头皮勿要连搔搔，还我娑婆二抽貂
三叔婆：（唱）侬为九斤讨勿到，叫我上门相骂讨，侬想赖赖不掉，还勿与我去讨讨保。
石二：（唱）姑娘向来为人好，侬是不是饶伊这一遭
九斤：（唱）叫声店王石二佬，侬真会看风使舵做好佬，侬是有田有地称富豪，有道有理才学好。
石二： 哪里，哪里
九斤：（唱）自古道婚姻要两好合一好，为啥要鬼鬼祟祟耍花巧，竹杠是侬叫伊敲，相骂是侬上门讨，今朝侬搅我勿搅，我搭侬到众家祠堂去开交
石二：格姑娘。
三叔婆：（唱）姑娘啊，我搭侬前邻后舍要要好，我勿该上伊圈套竹杠敲，姑娘啊，侬好比买只乌龟放放生，是不是饶我这一遭
九斤：（唱）姑娘今朝把侬饶，下趟要勿要竹杠敲
三叔婆：（唱）格次教训勿算小，我下次再勿要竹杠敲
九斤：（唱）我还侬砧板与薄刀，下趟再敲决不饶
石二：好哉好哉
三叔婆：（唱）侬害爹害娘格石二佬，我格女头脑从此给侬断送掉，我触霉头侬想逃，三十两银子我还是要
(石二：我还想问侬讨还十两头来)
三叔婆：（唱）侬二十两银子勿来找，众家祠堂侬去跑
石二： 格
三叔婆： 去侬去发，银子拿来，侬银子拿来发，拿来发，拿来发
石二： 好，拨侬拨侬
三叔婆： 难得利用侬格，难得利用侬格，小癞子侬当心
石二： 真是偷鸡不着蚀把米
合唱： 三百亩田地还是保不牢
九斤：（唱）只要有我手斤佬，勿怕侬格石二佬
阿爹 哎
箍桶： 阿囡